धनुषाको हंसपुर नगरपालिका–३ कठपुल्लाबाट एक किलो ६ सय ग्राम लागुऔषध गाँजासहित दुई जना पक्राउ परेका छन् । बुधबार साँझ प्रहरीले सोही ठाउँ बस्ने ६८ वर्षीय बौवालाल मण्डल र सिरहा कर्जनाहा नगरपालिका–८ बस्ने २८ वर्षीय मिथुन नायकलाई पक्राउ गरेको हो।

बौवालाल मण्डलको घरमा गाँजा किनबेच भइरहेको भन्‍ने खबर प्राप्त भएपछि अस्थाई प्रहरी पोष्ट बेल्हिबाट खटिएको प्रहरी टोलीले उनीहरूलाई पक्राउ गरेको हो।
झापा, बिर्तामोड नगरपालिका–४ घर भई अर्जुनधारा नगरपालिका–६ समाबेसी टोल डेरा गरी बस्ने २० वर्षीय निकेश राईलाई १ ग्राम ५ सय मिलीग्राम अवैध लागूऔषध ब्राउन सुगर जस्तो देखिने बस्तु सहित बुधबार साँझ प्रहरीले पक्राउ गरेको छ।

ईलाका प्रहरी कार्यालय अनारमनीबाट खटिएको प्रहरीले उनलाई पक्राउ गरेको हो। यसैगरी कन्काई नगरपालिका–४ ईलुबारीबाट १२ ग्राम ८० मिलीग्राम अवैध लागूऔषध ब्राउन सुगर जस्तो देखिने पदार्थ सहित सोही ठाउँ बस्ने २८ वर्षीय संजय पोखरेल समेत ४ जनालाई बुधबार दिउँसो प्रहरीले पक्राउ गरेको छ।

विषेश सूचनाको आधारमा ईलाका प्रहरी कार्यालय अनारमनी र ईलाका प्रहरी कार्यालय सुरुङ्गाबाट खटिएको प्रहरीले उनीहरूलाई पक्राउ गरेको हो । बाँके, बैजनाथ गाउँपालिका(३ नौवस्ताबाट १ ग्राम ६ सय ६५ मिलिग्राम अवैध लागूऔषध ब्राउन सुगर सहित २ जनालाई प्रहरीले पक्राउ गरेको छ। पक्राउ पर्नेहरुमा सोही ठाउँ बस्ने २२ वर्षीय आशिष कुमार थारु र २१ वर्षीय राहुल गुप्ता रहेका छन्।

उनीहरूले लागूऔषध किन बेच गरेको भन्ने सूचनाको आधारमा ईलाका प्रहरी कार्यालय वनकटुवाबाट खटिएको प्रहरीले उनीहरुलाई पक्राउ गरेको हो। सर्लाही, लालबन्दी नगरपालिका(१ बागबनीबाट १ सय ९६ ट्याब्लेट नियन्त्रित लागूऔषध नाईट्राभेट सहित काठमाडौं जोरपाटी बस्ने झापा टोखा घर भएका १९ वर्षीय सुनिल सन्थाली (धिमाल) लाई बुधबार साँझ प्रहरीले पक्राउ गरेको छ।