कुटपिट गरी बाबुको हत्या गर्ने छोरा पक्राउ !
कुटपिट गरी आफ्नै बाबुको हत्या गर्ने एक युवक पक्राउ परेका छन् । गोदावरी नगरपालिका–९ छम्पी डाइछाप बस्ने २८ वर्षीय सन्तोष नेपालीलाई प्रहरीले पक्राउ गरेको हो ।
बिहीबार दिउँसो सन्तोषले ४५ वर्षीय बाबु रामकृष्ण नेपालीलाई कुटपिट गरी घाइते बनाएपछि उपचारको लागि पाटन अस्पताल हुँदै छाउनी अस्पताल लगिएकोमा उपचारको क्रममा हिजो मृत्यु भएको प्रहरीले जनाएको छ । शव दाहसंकारको लागि पशुपति आर्यघाट लगेको भन्ने जानकारी प्राप्त हुनासाथ कुटपिट गर्ने सन्तोष नेपालीलाई महानगरीय प्रहरी वृत्त गौशालाको प्रहरीले पक्राउ गरेको हो । घटनाका सम्बन्धमा थप अनुसन्धान गरिरहेको प्रहरीले जनाएको छ ।
