लमजुङमा गोरु काटेको आरोपमा तीनजना पक्राउ परेका छन् । पक्राउ पर्नेमा ङादी दोभानचौरका वर्ष ४२ का रामबहादुर भुजेल, मर्स्याङ्दी गाउँपालिका ७ का वर्ष ३० का राजकुमार भुजेल र बेसीसहर नगरपालिका १० बस्ने वर्ष २० का दुर्गा थापा मगर रहेका छन् ।

दोभानचौरमा रामबहादुर भुजेलको घरमा गोरु काटेको सूचनाको आधारमा जिल्ला प्रहरी कार्यालय र प्रहरी चौकी खुदीबाट खटिएका प्रहरी टोलीले घरधनी भुजेलसहित उनीलाई पक्राउ गरेको प्रहरी नायव उपरीक्षक गंगाबहादुर थापाले बताए ।

उनीहरुलाई गोरुको मासु काट्दै गरेको अवस्थामा पक्राउ गरिएको हो । शुक्रबार राति साँढे १० बजेतिर गोरु काटेको देखेपछि स्थानीयले प्रहरीलाई उजुरी गरेका थिए । तीनै जनालाई आइतबार गौबध मुद्दामा लमजुङ जिल्ला अदालतबाट म्याद थप गरी अनुसन्धान थालिएको प्रहरीले जनाएको छ ।