देशका विभिन्न स्थानमा ८ जना मृत अवस्थामा भेटिएको प्रहरीले जनाएको छ । मृत फेला परेका मध्ये काठमाडौं महानगरपालिका ११ बबरमहल डेरा गरी बस्ने मोरङ घर भएकी २३ वर्षीया सिता थापा आफ्नै कोठामा मंगलबार मृत अवस्थामा फेला परेकी छिन् ।

यस्तै ललितपुर महानगरपालिका २५ भैंसेपाटी फुलबारी मार्ग जाने बाटो नजिक निर्माणाधिन घरको पहिलो तलामा हाल नाम, थर, वतन नखुलेका अन्दाजी ५६ वर्षीय पुरुष मंगलबार मृत अवस्थामा फेला परेको प्रहरीले जनाएको छ । मोरङको तुवामाई नगरपालिका १० पोखरी बाँधस्थित नहरमा भारत घर भएका ४० बर्षीय सोम सतार मंगलबार मृत अवस्थामा फेला परेका छन् ।

झापाको कन्काई नगरपालिका २ स्थित सन्का खोला छेउको चौरमा सोही नगरपालिका सिम्सार बस्ने ५९ बर्षीय सुरका सोरेन सोमबार मृत अवस्थामा फेला परेका छन् । यसैगरी कमल गाउँपालिका ७ लालधोन्द्रा बस्ने ६६ बर्षीय सनमान धिमाल आफ्नै घरमा सुतेको अवस्थामा सोमबार मृत फेला परेको प्रहरीले जनाएको छ ।

यता रामेछापको गोकुलगंगा गाउँपालिका १ चुचुरे बस्ने ५५ बर्षीया ठुलो कान्छी गुभाजु सोही गाउँपालिका ३ धारापानीस्थित खिम्ती खोलाको किनारमा सोमबार मृत अवस्थामा फेला परेकी छन् । बैतडीको दोगडाकेदार गाउँपालिका ६ चम्तडीस्थित चौलानी नदीको किनारमा हाल नाम, थर, वतन नखुलेका करिब १२ बर्षीय बालकको शव सोमबार फेला परेको प्रहरीले जनाएको छ ।

नुवाकोटको बिदुर नगरपालिका ४ गणेश मन्दिर टोल बस्ने ५५ वर्षीय पशुपती थपलिया आफ्नै कोठामा मंगलबार मृत अवस्थामा फेला परेका छन् । अर्का दाङको दंगीशरण गाउँपालिका ७ बस्ने ७२ वर्षीय बिष्णु लाल चौधरी बबई गाउँपालिका ७ ओदालेस्थित बबई नदीको किनारमा मंगलबार मृत अवस्थामा फेला परेका प्रहरीको भनाई छ ।