युभेन्टसको प्रशिक्षकमा आन्द्रे पिर्लो !
माउरीजियो स्यारीलाई प्रशिक्षक पदबाट बर्खास्त गर्दै इटालिएन सिरि ए च्याम्पियन युभेन्टसले क्लबकै पूर्व स्टार खेलाडी आन्द्रे पिर्लोलाई प्रशिक्षक बनाएको छ । च्याम्पियन्स लिगको प्रि–क्वाटर फाइनलमा लियोनसँग पराजित भएर प्रतियोगिताबाट बाहिरिएसँगै स्यारीलाई युभेन्टसले शनिबार मात्र बर्खास्त गरेको थियो ।
पिर्लो गत जुलाई ३० मा क्लबको अन्डर २३ टोलीको प्रशिक्षक बनेका थिए । अब भने पिर्लोले रोनाल्ड आवद्ध टिमको प्रशिक्षण गर्नेछन् । पिर्लो र युभेन्टसबीच सन् २०२२ सम्मको लागि सम्झौता भएको छ ।
