युरोपियन च्याम्पियन्स लिग अन्तर्गत शनिबार राति भएको खेलबाट फ्रान्सेली क्लब लियोन सेमिफाइनलमा पुगेको छ । गत राति भएको खेलमा इंग्लिस क्लब म्यानचेस्टर सिटीलाई ३ ० ले पराजित गर्दै लियोन अन्तिम चारमा स्थान बनाउन सफल भएको हो ।

खेलमा सुरुवाति अग्रता लियोनले लिएको थियो । खेलको २४ औँ मिनेटमा लियोनका म्याक्सेल कर्नेटले गोल गर्दै सुरुवाति अग्रता दिलाएका थिए । खेलको पहिलो हाफमा लियोनले अग्रता लिएको थियो ।

त्यसैगरी ६९ औँ मिनेटमा केभिन डे ब्रुइनाको गोलमा सिटी खेलमा फर्किने प्रयास गरेको थियो । तर, ७९ र ८७ मिनेटमा मुसा डेम्बेलेले दुई गोल गर्दै लियोनको जित सुनिश्चित गरे ।

च्याम्पियन्स लिगको प्रमुख दाबेदार मानिएको सिटी यो सिजन पनि निराश भएको छ । सिटी पछिल्ला तीन सिजन लगातार क्वाटर फाइनलबाट बाहिरिएको छ ।