रौतहटमा घाँटी रेटेर एक युवकको हत्या !
रौतहटको गरुडा नगरपालिका–८ स्थित जिंगडिया गाउँमा आइतबार घाँटी रेटिएको अवस्थामा एक युवकको शव फेला परेको छ । २० वर्षीय निरन्जन रामको धारिलो हतियारले घाँटी रेटेर हत्या भएको अवस्थामा शव फेला परेको जिल्ला प्रहरी कार्यालय रौतहटले जनाएको छ ।
एक फलफूल नर्सरीमा काम गर्ने राम साँझमा घर जान्छु भनेर हिँडेका थिए । घर नपुग्दै गाँउभन्दा तीनसय मिटर टाढा बाटोमा उनको शव फेला परेको छ । शवको प्रकृति हेर्दा धारिलो हतियारले घाटी रेटेर हत्या गरेको हुनसक्ने प्रहरीको भनाइ छ । मृतकको शव पोष्टमार्टमका लागि जिल्ला अस्पताल गौर ल्याउने र घटनाको बारेमा अनुसन्धान भइरहेको जिल्ला प्रहरी कार्यालय रौतहटले जनाएको छ ।
