कीर्तिमानी धावक उसेन बाेल्टलाई कोरोना भाइरस संक्रमण
एजेन्सी । तीव्र गतिका धावक उसेन बाेल्टलाई कोरोना भाइरस संक्रमण भएको छ । एक हप्ता अघि जन्मदिनको पार्टि मनाएका बोल्टलाई मंगलबार कोरोना संक्रमण पुष्टि भएको हो ।
जमैकाका विश्व किर्तिमानी धावक बोल्टले जन्मदिनमा मास्क–फ्रि पार्टि मनाएका थिए ।
१०० मिटर तथा २०० मिटर स्प्रिन्टमा बोल्टको कीर्तिमान रहेको छ । २०१७ मा उनले एथ्लेटिक्सबाट सन्यास लिएका थिए ।
जमैकामा अहिलेसम्म १६ सय १२ जनामा कोरोना संक्रमण पुष्टि हुँदा १६ जनाको मृत्यु भइसकेको छ। बोल्ट अहिले सेल्फ आइसोलेसनमा बसिरहेका छन्
बोल्टले आयोजना गरेको उक्त पार्टिमा इंग्लिस क्लब म्यानचेस्टर सिटिका फरवार्ड रहिम स्टर्लिङ पनि सहभागी थिए ।
