स्कुलभित्र तास खेल्ने प्रधानध्यापकसहित ११ जना पक्राउ !
चितवन । प्रहरीले स्कुलभित्र नै तास खेलिरहेको अवस्थामा प्रधानाध्यापक सहित ११ जनालाई पक्राउ गरेको छ । खैरहनी नगरपालिका– २ स्थित लिटिल हेभन स्कुलमा तास खेलिरहेका अवस्था प्रधानाध्यापकसहित ११ जनालाई नियन्त्रणमा लिएको हो ।
बिहीबार दिउँसो १ बजेतिर प्रहरीले विद्यालयबाट उनीहरुलाई पक्राउ गरेको इलाका प्रहरी कार्यालय खैरहनीले जानकारी दिएको छ । नीहरुको साथबाट ४५ हजार ६ सय ४० रुपैयाँ बरामद भएको प्रहरीले जनाएको छ ।
पक्राउ परेकाहरु इलाका प्रहरी कार्यालयको हिरासतमा छन् । उनीहरुलाई जुवा ऐनअन्तर्गत जिल्ला प्रशासन कार्यालय चितवनबाट म्याद थप गरी अनुसन्धान गरिने इलाका प्रहरी कार्यालय खैरहनीले जनाएको छ ।
