एजेन्सी । स्पेनिस क्लब बार्सिलोना र मेसीका बीच मनमुटाव कायमै रहेको छ । तर, यतिबेला मेसीलाई भित्र्याउने दाैडमा सबैभन्दा अगाडी रहेको क्लब म्यानचेस्टर सिटी मोटो रकम खर्च गर्न तयार भएको छ ।

स्पेनिस मिडिया स्पोर्टस इएसका अनुसार मेसीलाई अनुबन्ध गर्न म्यानचेस्टर सिटीले ४ सय ५० मिलियन पाउण्ड सम्म खर्च गर्ने भएको छ ।

तर, मेसीका लागि भने बार्सिलोना बसाइ अन्त्य गर्न असहज परिस्थिति सिर्जना भइसकेको छ । बार्सिलोनाले मेसीसँगको सम्झाैता अझै एकवर्ष कायम रहेको बताएको छ भने स्पेनिस लालिगाले पनि मेसी फ्रि ट्रान्सफरमा बार्सिलोना छोड्न नपाउने भन्दै विज्ञप्ती जारी गरेको छ ।

मेसी बाहिरिन खोजेको र म्यानचेस्टर सिटि मेसी भित्र्याउन तयार रहेको प्रस्ट हुँदाहुँदै पनि सिटीले भने बार्सिलोनालाई कुनै प्रस्ताव भने गरेको छैन ।

अन्तर्राष्ट्रिय मिडियाले उल्लेख गरेअनुसार मेसीका लागि सिटीले केही खेलाडी सहित ठुलो रकम बार्सिलोनालाई दिने तयारी गरिरहेको छ ।