खराब सुरूवात गरेको पीएसजीको पहिलो जीत
एजेन्सी । फ्रेन्च लिग वान अन्तर्गत गएराति भएको खेलमा पेरिस सेन्ट जर्मेन (पिएसजी) ले पहिलो जित निकालेको छ । घरेलु लिगका लगातार २ खेलमा पराजित भएको पिएसजीले मेट्जमाथि १-० को संघर्षपूर्ण जीत निकालेको हो ।
पिएसजीको जीतमा जुलियन ड्राक्सलरले इन्ज्युरी समयमा गरेको गोल नै निर्णायक बन्यो ।
पिएसजीका नेयमारलाई दुई खेलमा प्रतिबन्ध लागेको छ । फ्रेन्च लिग वानमा मार्सेविरुद्धको खेलमा उनले रातो कार्ड पाएका थिए । खेलको अन्त्यमा सुरु भएको झगडामा उनीसँगै ५ खेलाडीले रातो कार्ड पाएका थिए ।
