काठमाडाैँ । युरोपियन फुटबल क्लबहरूको प्रतिष्ठित प्रतियोगिता च्याम्पियन्स लिग आज रातिबाट सुरू हुँदैछ । मंगलबार रातीबाट सुरू हुने खेल अन्तर्गत आज राती आठ वटा खेलहरू हुनेछन् ।

आठ खेलमा विभिन्न देशमा १६ वटा टिमले प्रतिस्पर्धा गर्नेछन् । च्याम्पियन्स लिगका हरेक खेलहरू मंगलबार र बुधबार राती खेलाइन्छ । आज राती आठ वटा खेल हुँदा भोली राती थप आठ वटा खेल भएपछि समूह चरण अन्तर्गत पहिलो राउन्डका खेलहरू समाप्त हुनेछन् ।

आज राती जेनिथले क्लब ब्रसजसँग प्रतिस्पर्धा गर्दा डाइनामो किभले इटालियन च्याम्पियन युभेन्टसको सामना गर्दैछ ।

त्यस्तै, आरबी लाइपजिग, रेनेस, लाजियो, चेल्सी, पेरिस सेन्ट जर्मन र बार्सिलोनाले क्रमशः इस्तानबुल बासाक्सेयर, क्रान्स्नोदार, बोरूसिया डर्टमण्ड, सेभिल्ला, म्यानचेस्टर युनाइटेड र फेरेन्क्भारोससँग प्रतिस्पर्धा गर्दैछन् ।

आज हुने खेलहरू निम्न समयमा हुनेछन् ।

१. जेनिथ- क्लब ब्रुज राती १०ः ४० बजे

२. डाइनामो किभ – युभेन्टस राती १०ः ४० बजे

३. आरबी लाइपजिग- इस्तानबुल बासाक्सेयर राती १२ : ४५ बजे

४. रेनेस – क्रान्स्नोदार राती १२ : ४५ बजे

५. लाजियो – बोरूसिया डर्टमण्ड राती १२ : ४५ बजे

६. चेल्सी – सेभिल्ला राती १२ : ४५ बजे

७. पेरिस सेन्ट जर्मन – म्यानचेस्टर युनाइटेड राती १२ : ४५ बजे

८. बार्सिलोना – फेरेन्क्भारोस राती १२ : ४५ बजे