एजेन्सी । युरोपा लिग अन्तर्गत गएराती भएको खेलमा इटालियन क्बल एसी मिलानले जीत हात पारेको छ । गएराती भएको खेलमा एसी मिलानले स्पार्टा प्राग्वेलाई ३-० ले पराजित गरेको हो ।

एसी मिलानको युरोपा लिगमा यो लगातार दोश्रो जीत हो । एसी मिलान समूह एचमा परेको छ ।

खेलको २४ औं मिनेटमा गोल गर्दै ब्राहिम डियाजले घरेलु टोलीलाई अग्रता दिलाएका थिए । ५७ औं मिनेटमा राफेल लिओले गोल गर्दा मिलानले अग्रता दोब्बर बनायो । त्यस्तै, ३६ औं मिनेटमा ज्लाटन इब्राहिमोविचले मिलानले पाएको पेनाल्टी खेर फालेका थिए ।

खेलको ६७ औं मिनेटमा डिएगो डालोटले गोल गरेपछि मिलान ३–० को सहज स्थितिमा पुग्यो ।

त्यस्तै, गएराती नै भएका अन्य खेलहरूमा इंग्लिस क्लब आर्सनल, मोल्ड, स्लाथिया प्राग, बेनिफिका, रेन्जर्स, पीएसभी, नापोली, एजेड अल्कमारले आ–आफ्नो खेलमा जीत दर्ता गरेका छन् ।