रोनाल्डो कोरोना संक्रमणमुक्त, भोलीबाट मैदान फर्किन सक्ने
एजेन्सी । युभेन्टसका पोर्चुगिच स्टार क्रिस्टियानो रोनाल्डो कोरोना मुक्त भएका छन् । कोरोना संक्रमण भएपछि १६ दिनमा रोनाल्डो कोरोना संक्रमणमुक्त भएका हुन् ।
रोनाल्डोलाई अक्टोबर १४ मा कोरोना संक्रमण पुष्टि भएको थियो ।
रोनाल्डो कोरोना संक्रमणमुक्त भएको इटालियन क्लब युभेन्टसले जनाएको छ । कोरोना संक्रमणभएपछि रोनाल्डोले युभेन्टसका ३ वटा खेल गुमाएका छन् । जसमा युरोपियन च्याम्पिन्स लिग अन्तर्गतको बार्सिलोनासँगको खेल पनि छ ।
युभेन्टसले बार्सिलोनासँग भएको उक्त खेल २–० ले हारेको थियो ।
कोरोना संक्रमणमुक्त भएसँगै रोनाल्डो भोली हुने स्पेजियासँगको खेलमा मैदान फर्किन सक्नेछन् ।
