एजेन्सी । म्यानचेस्टर युनाइटेडका पूर्व खेलाडी तथा वेल्सका प्रशिक्षक रायन गिग्स पक्राउ परेका छन् । महिलामाथि अवाञ्छित गतिविधि गरेका कारण उनलाई पक्राउ गरिएको वेल्स फुटबल एसोसियसनले पुष्टि गरेको छ ।

उनी सोमबार साँझ पक्राउ परेको बताइएको छ ।

वेल्सको फुटबल एसोसियनसले प्रशिक्षक गिग्स पक्राउ परेको बारे ध्यानाकर्षण भएको जानकारी दिएको छ । यद्यपी यो विषयमा वेल्सको फुटबल एसोसियसनले कुनै कमेन्ट गर्न नचाहेको विज्ञप्तीमा उल्लेख गरिएको छ ।

‘द सन’का अनुसार ४६ गिग्सको घरमा आइतबार साँझ प्रहरी बोलाइएको थियो । उनको घरमा होहल्ला भएपछि त्यहाँ प्रहरी बोलाइएको उल्लेख छ ।

गिग्सले उनकी प्रमिकामाथि शारिरिक रूपमा नै हमला गरेको द सनमा उल्लेख छ । आइतबार राती १० बजेरद ५ मिनेट जाँदा म्यानचेस्टर प्रहरीलाई बोलाइएको थियो ।

गिग्सले अन्दाजी ३० वर्षकी महिलामाथि आक्रमण गरेका थिए । यद्यपी उनको आक्रमणबाट महिलालाई कुनै उपचारको आवश्यकता नभएको उल्लेख गरिएको छ ।

म्यानचेस्टर युनाइटेडबाट खेल्दा उनले १३ पटक प्रिमियर लिग तथा २ पटक च्याम्पियन्स लिगको उपाधी जितेका छन् ।

गिग्सले २०१८ देखि वेल्सको राष्ट्रिय फुटबल टोलीको प्रशिक्षणको जिम्मेवारी सम्हाल्दै आएका छन् ।