आईपीएलः दिल्लीले टस जितेर ब्याटिङ रोज्यो, आज पनि टीममा परेनन् सन्दीप !
एजेन्सी । जारी इन्डियन प्रिमियर लिग (आईपीएल) मा दिल्ली क्यापिटलले टस जितेर ब्याटिङ रोजेको छ । अबुधाबीमा आज पौने ८ बजे सुरु हुने खेलमा दिल्लीले सनराइजर्स हैदारबादसँग प्रतिस्पर्धा गर्दैछ । आजको खेलमा विजेता हुने टिमले फाइनलमा मुम्बई इन्डियन्ससँग प्रतिस्पर्धा गर्ने छ भने पराजित टिम आईपीएलबाट बाहिरिने छ ।
दुबै टीमका लागि फाइनलमा पुग्न यो अन्तिम म्याच हो । जित्ने टीम १० नोभेम्बरमा मुम्बई इण्डियन्ससँग भिड्नेछ । दिल्लीले आज दुई परिवर्तन गरेको छ । तर पनि नेपाली लेग स्पिनर सन्दिप लामिछाने प्लेइङ ११ मा पर्न सकेनन् । दिल्लीले आज पृथ्वी शा र डेनियल स्याम्सलाई हटाएर प्रवीण दुबे र शिमरन हेटमेयरलाई राखेको छ ।
