राष्ट्रिय फुटबल टोलीकी कप्तान रेणुकाले गरिन् विवाह
काठमाडौं । राष्ट्रिय फुटबल टोलीकी कप्तान रेनुका नगरकोटी विवाह बन्धनमा बाँधिएकी छिन् ।
रौतहट चन्द्रनिगापुरकी रेनुकाले मंगलबार जनकपुर शिवबानीका अभिषेक लामासँग विवाह गरेकी हुन् । उनीहरु ७ वर्षदेखि प्रेम सम्बन्धमा रहँदै आएको बताइएको छ ।
एपिएफकी महत्वपूर्ण सदस्य रेनुका राष्ट्रिय टोलीकी नियमित सदस्य हुन् । गत वर्ष स्वदेशमा आयोजना भएको १३ औं दक्षिण एसियाली खेलकुद (साग) मा नेपालले रजत पदक जित्दा रेणुका पनि टोलीमा थिइन् ।
