एयरपोर्टमा नायिका जुही चावलाको हिराको झुम्का हरायो, भेट्नेलाई इनाम दिने घोषणा
एजेन्सी । भारतीय नायिका जुही चावलाको हिराको झुम्का एयरपोर्टमा हराएको छ । उनले आफ्नो हिराको झुम्का एयरपोर्टमा हराएको ट्वीटरमार्फत् उल्लेख गराएकी छिन् ।
ट्वीटरमा झुम्का हराएको जानकारी गराउँदै उनले हिराको झुम्का भेट्टाउने व्यक्तिलाई इनामको व्यवस्था गरेको समेत उल्लेख गरेकी छिन् ।
‘बिहान म मुम्बई एयरपोर्टको गेट नम्बर ८ मा जाँदै थिएँ । इमिरेट्स काउन्टमा मैले चेक इन गरेँ, सेक्युरिटी चेक भयो तर बीचमा कतै मेरो हिराको झुम्का खस्यो ।’ जुहीले आफ्नो ट्वीटमा भनेकी छिन् ।
उनले झुम्का भेट्नेलाई प्रहरीमा खबर गर्न आग्रह गर्दै झुम्काको फोटो पनि पोष्ट गरेकी छिन् ।
