एजेन्सी । विवाह गरेको केहि २ महिनामै उनले यस्तो गूड न्यूज दिएको भन्दै सोसल मिडियामा उनी भाइरल बनिरहेकी हुन् । आफ्ना प्रेमी रोहन प्रित सिंहको साथमा अक्टोबर महिनामा बैबाहिक जीवनमा बाधिएकी गायिका नेहा कक्कड आमा बन्ने भएकी हुन् । सामाजिक संजालमा तस्वीर शेयर गर्दै उनले आफू आमा बन्ने तयारीमा रहेको जानकारी फ्यानहरुलाई दिएकी छिन् ।

रोहनसँग एक तस्वीर सार्वजनिक गर्दै नेहाले लेखेकी छिन्–‘अब मेरो ख्याल राख्ने गर ।’ रोहनले पनि नेहासँगको तस्वीर शेयर गर्दै अब झन् धेरै ख्याल राख्नुपर्ने उल्लेख गरेका छन् । यस्तै, गायक टोनी कक्कडले पनि आफू मामा बन्न लागेको उल्लेख गरेका छन् । त्यसको तस्वीर पनि सोसल मिडियामा अत्याधिक भाइरल बनिरहेको छ । उनलाई फ्यान्सहरुले शुभकामना दिएका छन् ।