एजेन्सी । ऋतिक रोशनले जनवरी १० मा आफ्नो जन्मदिन मनाएका छन् । उनलाई सामाजिक सञ्जालमा चलचित्र क्षेत्रदेखि फ्यानहरुले शुभकामना दिएका छन् । उनलाई जन्मदिनको शुभकामना दिनेमा पूर्वपत्नी सुजैन खान पनि छन्, ।

ऋतिकको जन्मदिन थप विशेष बनाउनका लागि उनकी पूर्व श्रीमती सुजैन खानले पनि विशेष तस्बिर र भिडियो सेयर गरेकी छिन् । यसमा उनको आफ्ना दुई छोरासँग निकै विशेष सम्बन्ध रहेको देख्न सकिन्छ ।

सुजैनले ऋतिकको जन्मदिनको शुभकामना दिँदै लेखिन्, ‘ह्यापियस्ट बर्थडे तिम्रो जीवनमा आउने भोलिका दिन सबैभन्दा सुन्दर होस् भन्ने कामना गर्छु..सन् २०२१ को सार्थक शुभकामना ।

छ वर्ष अगाडि अभिनेत्री कंगना रनावतसँगको सम्बन्धको बारेमा चर्चा भएपछि ऋतिक र सुजैनले सम्बन्ध बिच्छेद गरेका थिए। तर यी दुईलाई धेरैजसो सँगै भेटिने गरेको छ ।