एजेन्सी । ओस्कर अवार्ड विजेता हलिउड अभिनेता क्रिस्टोफर प्लमरको निधन भएको छ। उनका म्यानेजरले निधनबारे पुष्टि गरेका छन् । ५० वर्ष भन्दा लामो समय चलचित्र क्षेत्रमा विताएका अभिनेता क्रिस्टोरफरको शुक्रबार निधन भएको हो ।

लामो चलचित्र करिअरमा उनी द साउण्ड अफ म्युजिकमा निर्वाह गरेको क्याप्टेन भोन ट्रापको भूमिकाका कारण सर्वधिक परिचित भए । उनले सन् २०१२ चलचित्र बिगिनर्सका लागि ओस्कार अवार्ड जितेका थिए । यस्तै सन् २०१० मा द लास्ट स्टेसन र २०१८ मा अल द मनी इन द वर्ल्डका लागि ओस्कारमा मनोनित भएका थिए ।

यस्तै उनले द म्यान हू वुड बी किङ्ग, नाइभ्ज आउटसहितका चलचित्रमा काम गरेका छन् । उनले स्टार ट्रेक चलचित्र तथा शलर्क होम्ससहितमा पनि काम गरेका थिए । उनको कनाटिकटस्थित घरमा निधन भएको र त्यसबेला श्रीमती एलाइनी टेलर साथमा रहेको पारिवारिक स्रोतले जनाएको छ ।