एजेन्सी । दिवंगत बलिउड अभिनेता ऋषि कपुर र रणधीर कपुरका भाइ राजिव कपुरको ९ फेब्रुअरी (आज) दिउँसो हृदयघातका कारण निधन भएको छ । ५८ वर्षका राजिवको चेम्बुरमा उनको घर नजिकैको अस्पतालमा निधन भएको हो ।

हृदयाघघात भएकाउनलाई चेम्बुरको इनलक्स अस्पताल लगिएकोमा डाक्टरले मृत घोषित गरेको बताइएको छ । यसअघि राजीवका दाई तथा बलिउड अभिनेता ऋषि कपूरको पनि २०२० को अप्रिल ३० मा निधन भएको थियो । राजीवको आज निधन भएको बारे ऋषि कपूरकी पत्नी नीतु कपूरले सामाजिक सञ्जालमा तस्बिर शेयर गर्दै जानकारी गराएकी छिन् ।

उनले राम तेरी गंगा मैली फिल्मबाट अभिनय शुरु गरेका थिए । धेरै फिल्ममा अभिनय गरेका राजीवले फिल्म निर्देशन पनि गरेका थिए । उनले फिल्म ‘प्रेम ग्रन्थ’ को निर्देशन गरेका थिए । उनको निधनले अहिले बलिउड शेकमा डुबेको छ ।