एजेन्सी । २०१४ को ब्लगबस्टर फिल्म ‘पीके’को सिक्वेल बन्ने भएको छ । अर्को ग्रहबाट आएका आमिर खान सोही ग्रहमा फर्किएपछि उनका अरू साथि रणवीर कपुरसँग पुनः पृथ्वीमा आएको कथाबाट टुंगिएको फिल्म अब त्यहाँबाट पुनः अगाडी बढ्ने भएको छ ।

पीकेका निर्माता विन्दु विनोद चोपडाले रणवीर कपुरको कथाबाट फिल्मको सिक्वेल अगाडी बढ्ने बताएका छन् ।

फिल्मो सिक्वेल बन्ने भएता पनि यसको कथा लेखिइ नसकेको निर्माता चोपडाले उल्लेख गरेका छन् ।

२०१४ मा रिलिज भएको पीकेले तत्कालिन समयमा बक्स अफिसको रेकर्ड तोड्न सफल भएको थियो । सञ्जय दत्त, सुशान्त सिंह राजपूत, अनुष्का शर्माको समेत अभिनय रहेको उक्त फिल्ममा आमिर खान एलियनको भूमिकामा देखिएका थिए ।

विभिन्न सामाजिक तथा धार्मिक पक्षमाथि व्यंग्य गरेको भन्दै यो फिल्मको आलोचना समेत भएको थियो । राजकुमार हिरानीले निर्देशन गरेको फिल्मले आलोचनाको बाबजुद पनि सफलता चुमेको थियो ।

पीकेको सिक्वेलले पीकेको जत्तिकै सफलता पाउने निर्माता चोपडाले विश्वास व्यक्त गरेका छन् ।