अभिनेत्री आलिया भट्टलाई कोरोना संक्रमण
एजेन्सी । बलिउड अभिनेत्री आलिया भट्ट कोरोना संक्रमित भएकी छन् । उनले सामाजिक सञ्जाल इन्स्टाग्राममार्फत आफू कोरोना संक्रमित भएको जानकारी दिएकी हुन् ।

आलियाले आफु कोरोना संक्रमित भएको जानकारी दिएकी हुन् । सामाजिक संजालमा एक पोष्ट लेख्दै आलियाले आफ्नो कोरोना पोजेटिभ देखिएको र डाक्टरको सल्लाह अनुसार आफु होम आइसोलेसनमा बसेको जानकारी गराएकी छन् ।

उनले आफुले स्वास्थ्य प्रोटोकलको पालना गर्दै डाक्टरको सल्लाह लिइरहेको बताएकी छन् । पछिल्लो समय बलिवुडका सेलिब्रेटीहरु कोरोनाको चपेटामा पर्ने क्रम बढेको छ । हालै मात्र वरिष्ठ संगीतकार बप्पी लहरी, अभिनेता परेश रावल, अभिनेता तथा निर्देशक सतिश कौशिक, अभिनेता कार्तिक आर्यन, अभिनेता मनोज बाजपेयी, निर्देशक संजय लीला भन्सालीलगायतलाई कोरोना संक्रमण भएको थियो ।