अभिनेत्री कैट्रिना कैफ कोरोना संक्रमित !
काठमाडौँ । बलिउड अभिनेत्री कैट्रिना कैफ कोरोना संक्रमित भएकी छन् । नायिका कैफले सामाजिक सञ्जाल इन्स्टाग्राममार्फत् आफू कोरोना संक्रमण भएको जानकारी दिएकी हुन् ।
भारतीय सञ्चारमाध्यमका अनुसार कोरोना पुष्टि भएपछि अहिले उनी होम क्वारेन्टिनमा बसेकी छन् । मुम्बइमा कोरोना संक्रमणदर दिनप्रतिदिन बढ्दै गइरहेको छ । विगत केही दिनमै बलिउडका कलाकारहरुलाई कोरोना संक्रमण हुनेक्रम बढ्दो छ ।
यसअघि अक्षय कुमार, गोविन्दा, आमिर खानलगायत बलिउडका १२ कलाकारलाई कोरोना संक्रमण भइसकेका छन् ।
