फिल्म ‘ब्रह्मास्त्र’ को सुटिङ पुनः रोकियो !
एजेन्सी । महाराष्ट्र सरकारले कडा लकडाउनको घोषणा गरेपछि रणवीर कपुर र आलिया भट्ट अभिनित फिल्म ‘ब्रह्मास्त्र’को छायांकन रोकिएको छ । सन् २०१८ मा फ्लोवरमा गएको यो चलचित्र २०२१ सम्म आउँदा पनि छायांकन सकाउन सकेको छैन । चलचित्र यहि वर्षको अन्तमा रिलिज गर्ने लक्ष्य लिइएको छ । चलचित्रमा रणवीर र आलियाका साथै अमिताभ बच्चन, मोनी रोय र नागरजुना पनि मुख्य भूमिकामा छन् ।
यस्तै अभिनेता शाहरुख खान पनि स्पेशल सिनमा छन् । साइन्स फिक्सन ‘ब्रहमास्त्र’को निर्देशन अयान मुखर्जीले गरेका हुन् । यसअघि पनि रणवीर र आलिया कोरोना संक्रमित भएपछि फिल्मको छायांकन रोकिएको थियो ।
