अभिनेत्री यामी गौतमले गरिन् सुटुक्क विवाह !
एजेन्सी । बलिउड अभिनेत्री यामी गौतमले सुटुक्क लगन गाँठो कसेकी छन् । निर्देशक आदित्य धरसँग विवाह गरेको सामाजिक सञ्जाल इन्स्टामार्फत जानकारी गराएकी हुन् ।
उनले विवाहको पहिलो तस्वीर सामाजिक संजालमा सार्बजनिक गरेकी छन् । निर्देशक आदित्य धर र यामी गौतमको अफेयरको खबर ‘उरी’को सुटिङताका नै चलेको थियो तर दुवैले यो खबरलाई पुष्टि हुने गरी कुनै गतिविधि गरेका थिएनन् ।
उनले भनेकी छन्ः हामीले हाम्रो परिवारको आशिर्वाद लिएर विवाह गरेका छौं । हामीलाई तपाईहरुको आशिर्वाद चाहिन्छ । यामीले आदित्यसँग विवाह गर्न लागेको जानकारी भने यस अघि दिएकी थिइनन् ।
उनले फिल्म उरीमा निर्देशक आदित्यसँग काम गरेकी थिइन् ।
