एजेन्सी । बलिउड अभिनेत्री पायल रोहतगी पक्राउ परेकी छन् । सोसाइटीका चियर पर्सनसँग विवाद पछि सामाजिक सञ्जालमा अश्लिल शब्दको प्रयोग गरेर पोष्ट गरेको आरोपमा उनलाई अहमदावाद प्रहरीले शुक्रबार पक्राउ गरेको हो ।

उनलाई सोसाइटीको चियर पर्सनलाई ज्यान मार्ने धम्की दिएको र सोसाइटीका मानिससँग झगडा गरेको आरोप समेत लागेको छ । यद्यपि, उक्त पोष्ट उनले डिलिट गरिसकेकी छन् ।

सोसाइटीका चियर पर्सन र त्यहाँका मानिसको उजुरी पछि अहमदावाद स्याटलाइट पुलिसले उनलाई गिरफ्तार गरेको हो । ‘२० जुनमा सोसाइटीमा एक मिटिङ भएको थियो । उनी मिटिङको सदस्य थिइन् । तै पनि उनी मिटिङमा सहभागी भएर बोल्न थालिन् । सोही कारणले चियर पर्सनले उनलाई सम्झाएका थिए । त्यसैमा उनले चियर पर्सनलाई गाली गर्न थालिन्’ उजुरीमा भनिएको छ । पायल यसअघि पनि एकपटक गिरफ्तार भएकी थिइन् ।