एजेन्सी । बलिउड स्टार शाहरुख खानका छोरा आर्यन खानलाई पक्राउ गरिएको छ । भारतको नारकोटिक्स कन्ट्रोल ब्युरो (एनसिबी) ले शनिबार राती मुम्बईमा एक क्रुज सिपमा छापा मारेर शाहरुख खानका छोरासहित १३ जनालाई हिरासतमा लिएको हो ।

क्रुज सिपमा ड्रग्स पार्टी चलिरहेका बेला छापा मारेरर उनीहरुलाई पक्राउ गरिएको एनसिबीले जनाएको छ ।

जहाजमा लागूपदार्थ प्रयोगको सूचना पाएपछि एनसीबीका क्षत्रीय प्रमुख वानखेडेसहितका पदाधिकारीले जहाजमा छापा मारेका थिए । कारवाहीमा केहीलाई पक्राउ गरिएको छ भने आर्यनसँग एनबिसीले सोधपुछ गरिरहेको बलिउड हंगामाले लेखेको छ ।

छापा मारिएको जहाज तीन दिनको संगीत यात्राका मुम्बईबाट गोवा प्रस्थान गरेको थियो । जहाजमा बलिउड, फेसन र व्यापार क्षेत्रका मानिसहरु सवार रहेको जनाइएको छ । तिनैमध्ये एक आर्यन पनि उक्त जहाजमा सवार थिए ।

आर्यन विरुद्ध कुनै आरोपमा मुद्दा दर्ता नगरिएको भारतीय सञ्चारमाध्यामले बताएका छन् ।