शाहरुख खानका छोरा आर्यन प्रहरी हिरासतमा
एजेन्सी । लागुऔषध आरोपमा बलिउड अभिनेता शाहरुख खानका २३ वर्षीय छोरा आर्यन खानलाई हिरासतमा राखिएको छ । नार्कोटिक्स कन्ट्रोल ब्युरो (एनसीबी) ले आइतबार उनीसहित ८ जनालाई पक्राउ गरेको हो ।
मुम्बईको समुद्रमा एक क्रुज जहाजमा गोवातार्फ जाँदै गरेका बेला एनसीबीको टोलीले छापा मारी उनीहरूलाई पक्राउ गरेको थियो । जहाजभित्र ड्रग पार्टी गरिरहेको अवस्थामा उनीहरूलाई गरिफ्तार गरिएको एनसीबीको दाबी छ ।
आर्यनसमेत ८ जनै अभियुक्तलाई आइतबार साँझ अदालत पेस गरिएको छ । अदालतले उनीहरूलाई सोमबरसम्म हिरासतमा राख्न एनसीबीलाई अनुमति दिएको भारतीय सञ्चारमाध्यमले उल्लेख गरेका छन् ।
