एजेन्सी । हिन्दुहरूको पौराणिक ग्रन्थ रामायणमा आधारित भएर बनेको टेलिभिजन श्रृंखला ‘रामायण’ मा रावणको भूमिका निर्वाह गरेका भारतीय कलाकार अरविन्द त्रिवेदीको निधन भएको छ ।

हिन्दी टेलिभिजन दूरदर्शनबाट प्रसारित हुने पौराणिक कार्यक्रम ‘रामायण’मा रावणको भूमिका निर्वाह गरेका त्रिवेदीको ८३ वर्षको उमेरमा मंगलबार राति आफ्नै घरमा निधन भएको भारतीय सञ्चारमाध्यामले जनाएका छन् ।

उनी लामो समयदेखि स्वास्थ्य सम्बन्धी समस्याबाट गुज्रिएका थिए । सन् १९८० को दशकमा प्रसारित भएको रामायण निकै लोकप्रिय टेलिसिरिज हो । संसारमा सबैभन्दा धेरै हेरिएको सिरिजको रूपमा रामायणले गत वर्ष रेकर्ड राखेको थियो ।

त्रिवेदीले ‘विक्रम और बेताल’ मा पनि महत्वपूर्ण भूमिका निभाएका थिए । यसैगरी उनले गुजराती सिनेमामा पनि अभिनय गरेका छन् ।