शाहरूख खानको घरमा एनसिबीको छापा
एजेन्सी । नार्कोटिक्स कन्ट्रोल ब्युरो (एनसिबी)ले बलिउड स्टार शाहरूख खानको घरमा छापा मारेको छ । शाहरूखका छोरा आर्यन खान पक्राउ परेको १८ दिनपछि एनसिबी शाहरूखको घरमा छापा मार्न पुगेको हो ।
उनका छोरो क्रुज ड्रग्स केसमा पक्राउ परेका थिए । उनी अहिले पनि प्रहरी हिरासतमा नै रहेका छन् ।
टाइम्स अफ इन्डियाको रिपोर्ट अनुसार बिहीबार एनसिबीको टोली शाहरूख निवास मन्नतमा पुगेको थियो । उक्त टोलीले छापा मारेर के भेट्टायो भन्ने पुष्टि भइ नसकेको बताइएको छ ।
अन्तरराष्ट्रिय समाचार संस्था एएनआइका अनुसार एनसिबीको टोलीले शाहरूख खानको घरमा करिब १ घण्टा छापामा मारेको थियो ।
शाहरूख खानले आज नै प्रहरी हिरासतमा रहेका उनका छोरा आर्यनसँग भेट गरेका थिए ।
