आज काठमाडौंमा चुनावी सभा गर्दै एमाले, ओलीले सम्बोधन गर्ने
वैशाख २७, काठमाडौँ । स्थानीय तहको निर्वाचनको मौन अवधि सुरु हुन तीन दिन मात्र बाँकी रहँदा नेकपा (एमाले)ले आज काठमाडौंको भृकुटीमण्डपमा चुनावी सभा आयोजना गर्ने भएको छ।
एमाले काठमाडौं जिल्ला कमिटीको आयोजनामा दिउँसो २ बजे हुने सभालाई पार्टी अध्यक्ष केपी शर्मा ओलीसहितका नेताहरुले सम्बोधन गर्ने कार्यक्रम छ। एमाले काठमाडौं जिल्ला कमिटी सचिव राजेश शाक्यका अनुसार वडा–वडादेखि आउने जुलुस–र्याली सभा स्थल जानेछन्।
