हुम्लाको चंखेलीमा झडप, ८ राउण्ड अश्रुग्यास प्रहार
वैशाख ३०, हुम्ला । हुम्लाको चंखेली गाउँपालिकाको एउटा मतदान केन्द्रमा झडप भएको छ। चंखेली गाउँपालिका-२ स्थित महादेव मतदान केन्द्रमा सत्ता गठबन्धन दल र स्वतन्त्र उम्मेदवारका पक्षबीच झडप हुँदा मतदान अधिकृत घाइते भएका छन्।
झडपमा मतदान अधिकृत कृष्णप्रसाद आचार्य, कार्यालय सहयोगी काला रावत, र अर्का स्थानीय घाइते भएको प्रहरीले जनाएको छ।
झडपलाई नियन्त्रणमा लिन सशस्त्र प्रहरीले ८ राउन्ड अश्रुग्यास प्रहार गरेको प्रमुख जिल्ला अधिकारी सीता परियारले बताइन्। अहिले मतदान केही समयका लागि स्थगित गरिएको छ।
