बैतडीको पञ्चेश्वरमा एमालेका चन्द र भट्ट दोस्रो पटक विजयी
जेठ १, काठमाडौँ । बैतडीको पञ्चेश्वर गाउँपालिकामा नेकपा एमालेका गोरखबहादुर चन्द विजयी भएका छन्। उपाध्यक्षमा पनि एमालेकै बिना भट्ट विजयी भएकी छिन्। अध्यक्षमा एमालेका चन्दले ३७८२ मत ल्याएर विजयी भएका छन्। भने उनका प्रत्यासी कांग्रेसका रमेश भण्डारीले २४८८ मत ल्याएका छन् ।
उपाध्यक्षमा भट्टले ३०६४ मत ल्याएका छन् भने उनका प्रत्यासी नेकपा एसका राजेन्द्र चन्दले २५०० मत प्राप्त गरेको पञ्चेश्वर गाउँपालिकाका निर्वाचन अधिकृत धर्मानन्द जोशीले जानकारी दिए।
पञ्चेश्वरमा नेपाली कांग्रेस र नेकपा एकीकृत समाजबादीबीच गठबन्धन भएको थियो। निर्वाचीत चन्द र भट्ट २०७४ को स्थानीय तहको निर्वाचनमा पनि विजयी भएका हुन्।
