भदौ २१, मुम्बई । आईपीएलका पूर्वअध्यक्ष ललित मोदीले केही महिनाअघि अभिनेत्री सुस्मिता सेनसँग आफ्नो सम्बन्धलाई आधिकारिक गरेका थिए। तर, अब दुबै अलग्गिएको अनुमान गरिएको छ।

ललितले आफ्नो सामाजिक सञ्जालको प्रोफाइलको बायोबाट सुस्मिताको नाम हटाएका छन्। योसँगै उनीसँग भएको डिस्प्ले तस्बिर पनि परिवर्तन गरेका छन्।

उनको बायोमा आईपीएल फाउण्डर र मुन मात्र लेखिएको छ। यो हेरेका प्रयोगकर्ताले उनीहरू अलग्गिएको अनुमान लगाएका छन्। यद्यपि सुस्मिता र ललितको तर्फबाट केही आधिकारिक धारणा आएको छैन्।

ललितले गत महिना आफ्नो प्रोफाइल तस्बिर परिवर्तन गरेका थिए। फोटोमा उनका साथमा सुस्मिता थिइन्। उनले बायोमा ‘अन्ततः नयाँ जीवनको सुरुवात, पार्टनर इन क्राइम, माइ लव सुस्मिता सेनका साथ’ लेखेका थिए। उनले सुस्मिताको इन्स्टा एकाउण्टमा पनि ट्याग गरेका थिए।

ललित र सुस्मिताको सम्बन्ध टुट्नुमा प्रमुख कारण सुस्मिताको पूर्व प्रेमी रोहमन शोल रहेको दाबी गरिएको छ। रोहमन र सुस्मिता अलग्गिए पनि उनीहरु प्रायः पार्टीमा सँगै देखिन्छन्। हालैमात्र रोहमनलाई सुस्मिताको जन्मदिन उत्सवमा देखिएको थियो।

रोहमन र सुस्मिताले अढाई वर्षको अफेयरपछि गत वर्षको डिसेम्बरमा ब्रेकअप गरेका थिए। उनीहरु त्यो बेला लिभ इन रिलेसनमा थिए। रोहमन सुस्मिताभन्दा १६ वर्ष कान्छा छन्।

सुस्मिताको यसअघि विक्रम भट्ट, रणदीप हुड्डा, वसीम अकरम, संजय नारंग, बंटी सजदेहलगायतसँग नाम जोडिइसकेको छ।