क्यानबेराको पोखरीमा आमा र छोराको शव फेला, छोरी बेपत्ता
कार्तिक २०, मेलबर्न अष्ट्रेलिया । क्यानबेराको एक पोखरीमा २ जनाको शव फेला परेको छ। २ जनाको शव भेटिएपछि अहिले प्रहरी हराइरहेकी बालिकाको खोजिमा लागिपरेको छ।
अधिकारीहरूले गुनगाह्लिनको येराबी पोन्डमा खोजतलास गर्दा एक महिला र एक किशोरको शव फेला पारेका हुन्।
मृत फेला परेकाहरू आमा र छोरा भएको अधिकारीहरूले अनुमान गरेका छन्। उनीहरूको मृत्युको कारण र तरिका अझै खुल्न सकेको छैन र अनुसन्धान जारी छ।
येराबी पोन्ड क्यानबेराको उत्तरमा एक लोकप्रिय मनोरञ्जन स्थल हो। यहाँ खेल मैदान, हिड्ने र साइकल चलाउने बाटो र स्केट पार्क छ।
