नेपाली चेली रेनुका बनिन् साउथ अष्ट्रेलियाको म्यारियनको काउन्सिलर
कार्तिक २७, मेलबर्न अष्ट्रेलिया । नेपाली मूलकी रेनुका लामा साउथ अष्ट्रेलियाको म्यारियन काउन्सिलको काउन्सिलर पदमा विजयी भएकी छिन्। उनि वरिपरिङगा वार्डबाट विजयी भएकी हुन्।
मतगणनाको अन्तिम परिणाम अनुसार लामा १२०४ मत सहित विजयी हुन सफल भइन्। दुई जना छनौट हुने निर्वाचन प्रणालीमा लामा प्रथम भएको बताइएको छ।
उनिभन्दा पछि परेका टेलफरले करीब ४० मत कम पाएका छन्। उनी पछिल्लो २९ वर्षदेखि काउन्सिलरको रूपमा रहेका थिए। उनले विजयी गराउने सबै मतदाता सहित सहयोगीहरुलाई धन्यवाद व्यक्त गरेकी छन्।
