कार्तिक २८, मेलबर्न अष्ट्रेलिया । सिड्नीमा भयानका कार दुर्घटना भएको छ। सिड्नीको उत्तरी क्षेत्रमा भएको दुर्घटनामा पाँच किशोरकिशोरी गम्भीर घाइते भएका छन्। आइतबार साँझ ४ः ४० बजे दुर्घटनास्थलमा आपतकालिन सेवाहरूलाई बोलाइएको थियो। कार रूखमा ठोक्किएर दुर्घटना भएको अधिकारीहरूले जानकारी दिएका छन्।

नर्थ शोर पुलिस डिटेक्टिभ सुपरिटेन्डेन्ट पल डेभानेका अनुसार पुलिसलाई सुरुमा झगडाको रिपोर्ट गरेर बोलाइएको थियो। जसमा चार जना यात्रुहरू दुर्घटना हुनु अघि झगडामा संलग्न थिए।

प्रहरीलाई गरेको रिपोर्टमा एक व्यक्तिमाथि चार जनाले आक्रमण गरेको उल्लेख गरिएको थियो। यही घटना नै कार दुर्घटनाको कारण भएको हुनसक्ने पनि प्रहरीले बताएको छ।

दुर्घटनामा घाइते हुनेहरू सबै १८ वर्ष मुनिका रहेको प्रहरीले बताएको छ। चालकले मादक पदार्थ वा मदिराको नशा लिएको वा नलिएको भन्ने प्रहरीले अनुसन्धान गरिरहेको छ।