यौन दुर्व्यवहार गर्ने अस्ट्रेलियालीलाई १२९ वर्ष कैद सजाय
कार्तिक २८, मेलबर्न अष्ट्रेलिया । मानव बेचबिखन र बलात्कारको आरोपमा फिलिपिन्समा आजीवन कारावासको सजाय पाएका एक अस्ट्रेलियाली व्यक्तिलाई १८ महिनाभन्दा कम उमेरका बालबालिकालाई यौन दुर्व्यवहार गरेको अभियोगमा थप १२९ वर्षको जेल सजाय सुनाइएको अभियोजकहरूले बताएका छन्।
पिटर जेरार्ड स्कुली, उनकी फिलिपिनी प्रेमिका लेजिल मार्गालो र दुई सहयोगीहरूलाई बाल दुर्व्यवहार, बेचबिखन, बलात्कार र बाल पोर्नोग्राफी सिन्डिकेट गर्ने ६० वटा अपराधको अभियोग लगाइएको दक्षिणी शहर कागायन डे ओरोका अभियोजक मर्लिन बारोला–उयले बताए।
मार्गालोलाई १२६ वर्षको जेल सजाय सुनाइएको छ भने उनका दुई सहयोगीलाई प्रत्येक नौ वर्षको जेल सुनाइएको थियो।
