मंसिर २, मेलबर्न अष्ट्रेलिया । भिक्टोरियामा तीन जनामा दादुरा संक्रमण पुष्टि भएको छ। विदेशबाट फर्किएका तीन जनामा दादुरा संक्रमण पुष्टि भएको हो। ती सबै केसहरू एउटै परिवार भित्रका भएको बताइएको छ। सिंगापुरबाट मेलबर्न फर्किने उडानको क्रममा दुई जना संक्रामित भएको अनुमान गरिएको छ।

मंगलबार बिहान मेलबर्न एयरपोर्टमा पुगेपछि उनीहरुले तुरुन्तै स्वास्थ्य उपचार खोजेका थिए। मेलबर्न एयरपोर्टको अन्तर्राष्ट्रिय आगमन टर्मिनललाई सार्वजनिक एक्सपोजर साइटहरूको रूपमा सूचीबद्ध गरिएको छ। क्वान्टासको क्युएफ ३६ र इमिरेट्सको इके५०३६ निगरानीमा राखिएको छ।

मंगलबार बिहान ६ः १० बजे देखि ८ः ४० बजेको बीचमा त्यो उडानमा वा टर्मिनलमा भएका जो कोही डिसेम्बर ३ सम्म लक्षणहरूको लागि निगरानी बस्न अनुरोध गरिएको छ।