ताप्लेजुङमा योगेश भट्टराईको मत कति ?
मंसिर ७, काठमाडौँ । ताप्लेजुङमा प्रतिनिधिसभातर्फ नेकपा माओवादी केन्द्रले अग्रता कायम राखेको छ। ताप्लेजुङमा गठबन्धनबाट उम्मेदवार बनेका माओवादी केन्द्रका खेलप्रसाद बुढाक्षेत्रीले १४ हजार ७५८ मत प्राप्त गरेर अग्रता बनाइरहेका छन् ।
त्यस्तै नेकपा एमालेका सचिव योगेश भट्टराईले १४ हजार ३०२ मत प्राप्त गर्दै पछ्याइरहेका छन्।
पछिल्लो मतगणना अनुसार योगेश भट्टराईले मतान्तर घटाइरहेका छन्। अहिले योगेश खेलप्रसादभन्दा ४५६ मतले पछाडी रहेका छन्।
२०७४ को निर्वाचनमा यस क्षेत्रबाट योगेश भट्टराई विजयी भएका थिए।
