ताप्लेजुङबाट एमालेका योगेश भट्टराई विजयी
मंसिर ७, काठमाडौँ । ताप्लेजुङबाट प्रतिनिधिसभा सदस्यमा नेकपा एमालेका सचिव योगेश भट्टराई विजयी भएका छन्।
आज सकिएको मत गणनामा सत्ता गठबन्धनको समर्थन पाएका नेकपा माओवादी केन्द्रका खेलप्रसाद बुढाक्षेत्रीलाई २०४ मतान्तरले पराजित गर्दै भट्टराई लगातार दोस्रो पटक प्रतिनिधिसभा सांसदमा विजयी भएका हुन्। उनी २०७४ मा पनि यही क्षेत्रबाट निर्वाचित भएका थिए ।
