निर्वाचन अपडेट : प्रत्यक्षतर्फ कांग्रेस अगाडि, अहिलेसम्म कुन दलले कति सिट ल्याए ?
मंसिर १०, काठमाडौँ । यही मङ्सिर ४ गते सम्पन्न प्रतिनिधिसभा र प्रदेशसभा सदस्य निर्वाचनको मतगणना जारी छ। निर्वाचन आयोगका अनुसार आज प्रतिनिधिसभाको प्रत्यक्षतर्फ एक सय ६५ मध्ये एक सय तीन क्षेत्रको मतपरिणाम सार्वजनिक भएको छ।
प्राप्त मतपरिणामअनुसार हालसम्म नेपाली कांग्रेस ४७, नेकपा (एमाले) ३८, नेकपा (माओवादी केन्द्र) १६, नेकपा (एकीकृत समाजवादी) १०, राष्ट्रिय स्वतन्त्र पार्टी पाँच, लोकतान्त्रिक समाजवादी पार्टी ७, राष्ट्रिय प्रजातन्त्र पार्टी चार, जनता समाजवादी पार्टी दुई तथा राष्ट्रिय जनमोर्चा, नेपाल मजदुर किसान पार्टी र जनमत पार्टी एक÷एक र पाँच स्वतन्त्र उम्मेदवार विभिन्न क्षेत्रबाट विजयी भएका छन्।
