मंसिर १३, मेलबर्न अष्ट्रेलिया । क्विन्सल्याण्डको पोखरीमा डुबेर एक जनाको मृत्यु भएको छ। सनसाइन कोस्टको भित्री क्षेत्रमा रहेको पानीको खाल्डोमा डुबेर एक युवकको शंकास्पद मृत्यु भएको प्रहरीले पुष्टि गरेको छ।

सोमबार दिउँसो मालेनीको गार्डनर्स फल्समा अन्दाजी २० वर्षीय युवकको खोजी सुरू गरिएको थियो।

क्वीन्सल्याण्ड प्रहरीका एक प्रवक्ता एक पौडी खेल्ने व्यक्ति पानीबाट पुन: सतहमा आउन असफल भएको रिपोर्ट पछि दिउँसो ३ः ३० बजे आपतकालीन सेवाहरूलाई घटनास्थलमा बोलाइएको बताएका छन्।

उक्त व्यक्ति डोरीको सहायताले पानीमा गएको र पुन: सतहमा आउन असफल भएको बुझिएको छ। प्रहरीले ती व्यक्तिको मृत्यु भएको पुष्टि गर्दै घटनाको अनुसन्धान भइरहेको बताएको छ।

उद्धारका लागि हेलिकप्टर खोजी कार्यमा संलग्न रहेको थियो। घटनास्थलमा प्यारामेडिक्सको टोली समेत गएको थियो।