बैतडीमा एक युवतीको घाँटी रेटेर हत्या, अर्की युवती गम्भीर अवस्थामा फेला
मंसिर १४, बैतडी । बैतडीमा एक युवतीको घाँटी रेटी हत्या गरिएको छ। पञ्चेश्वर गाउँपालिका–४ का धनी लुहारकी २१ वर्षीय छोरी माया लुहारको घाँटी रेटेको अवस्थामा शव फेला परेको हो।
त्यस्तै सोही गाउँकी १५ वर्षीया नेहा लुहार गम्भीर घाइते अवस्थमा फेला परेकी छन्। उनको घाँटीमा धारिलो हतियार प्रयोग भएको प्रहरीले जनाएको छ। घटनाका विषयमा थप अनुसन्धान भइरहेको जिल्ला प्रहरी कार्यालय बैतडीका सूचना अधिकारी लोकराज जोशीले जानकारी दिए।
घाइते अवस्थामा भेटिएकी नेहालाई उपचारका लागि धनगढी लगिएको आफन्तले बताएका छन्।
