बाजुरामा कांग्रेसका बद्री पाण्डेको अग्रता कायमै, झण्डै ४ हजारले पछि परे थापा
मंसिर १८, काठमाडौँ । बाजुरामा नेपाली कांग्रेसका नेता बद्रीप्रसाद पाण्डेले अग्रता बढाउदै लगेका छन्। मत गणनाको पछिल्लो परिणाम अनुसार कांग्रेसका पाण्डेले अहिलेसम्म २६ हजार ९८६ मत प्राप्त गरेका छन् ।
त्यस्तै उनलाई नेकपा एमालेका कर्ण थापाले २३ हजार २०८ मतसहित पछ्याइरहेका छन्। अहिलेसम्मको मत गणना अनुसार कांग्रेसका पाण्डे एमालेका थापा भन्दा ३७७८ मतले अगाडी रहेका छन् ।
बाजुरामा कुल ८३ हजार ५६७ मतदाता रहेकोमा ६० हजार १५२ मत खसेको थियो।
मङ्सिर ४ गतेसम्पन्न निर्वाचनका क्रममा झडपका घटना भएका कारण मत गणना हुन सकेको थिएन। निर्वाचन आयोगको निर्देशन पछि बिहीबार बेलुकादेखि सुरु भएको थियो।
