पर्थको भयानक दुर्घटना : पाँच बालबालिका सहित ७ जना घाइते
मंसिर २७, मेलबर्न अष्ट्रेलिया । पर्थमा चारवटा कार एकआपसमा ठोक्किँदा सात जना घाइते भएका छन्। उनीहरूलाई उपचारका लागि अस्पताल लगिएको छ।
दुर्घटनामा पाँच जना बालबालिका परेको बताइएको छ। उनीहरूमध्ये दुई जनालाई पर्थ बाल अस्पतालमा लगिएको छ। त्यस्तै, २० वर्षकी एक महिलालाई सर चार्ल्स गेर्डनर अस्पताल लगिएको छ।
आइतबार राति ९.२५ बजे अलेक्ज्याण्डर ड्राइभ र बीच रोडको चोकमा चारवटा कार दुर्घटनामा परेका थिए। दुर्घटना कसरी भयो भन्ने अझै स्पष्ट भइसकेको छैन। तर, प्रहरीले अनुसन्धान गरिरहेको छ र साक्षीहरूको लागि अपिल गरिरहेको छ।
