पुस ४, काठमाडौँ । विश्वकप जितेको खुसियाली मनाउने एक अर्जेन्टिना समर्थक जेल जाने जोखिममा परेका छन्। अर्जेन्टिनाले फ्रान्सविरूद्ध जित निकाल्दै विश्वकप जितेको खुसीयालीमा टप फुकालेर खुसी साट्ने एक महिला जेल जाने जोखिममा परेकी हुन्।

गोन्जालो मोन्टिएलको पेनाल्टी किक पछि, क्यामेराहरू अर्जेन्टिनाका फ्यानहरूलाई हर्षोल्लास गर्नेतर्फ फर्के र तिनीहरूमध्ये एक गोरा फ्यान थिए जसले क्यामेरालाई अपेक्षा गरेभन्दा अलि बढी ध्यान दिए।

विश्वकप फुटबलमा खुसियाली मनाउने क्रममा कतारका नियमहरू परिपालन गर्न फ्यानहरूलाई चेतावनी दिइएको थियो। ‘आगन्तुकहरू (पुरुष र महिलाहरू) ले सार्वजनिक रूपमा अत्यधिक रूपमा लुगा विहिन अवस्था नदेखाएर स्थानीय संस्कृतिप्रति सम्मान देखाउने अपेक्षा गरिन्छ।’ कतारको पर्यटन विभागले भनेको थियो।

कतारको रूढीवादी नियम अनुसार महिलाहरूले पश्चिमी मुलुकहरूमा जस्तो लुगाहरू लगाउन पाउँदैनन्। तर, कतार बाहिरका महिलाहरूले बुर्का नै लगाउनु पर्छ भन्ने पनि छैन। तथापी, पोशाकको सवालमा कतार कडा नै देखिन्छ।

पर्यटकहरूले काँध ढाक्नेगरी माथिको कपडा लगाउनु पर्नेछ भने तल कुर्कुचासम्मको कपडा लगाउनुपर्ने प्रावधान छ।

यद्यपी, गत राती भएको फाइनलमा एक महिला समर्थकले टप फुकालेर विश्वकप जित्दाको खुसियाली मनाएकी थिइन्। उनको तस्बिर क्यामेरामा कैद भएको छ। यदी उनको तस्बिरबारे छानबिन भएमा उनी जेल समेत जानुपर्ने जोखिम उत्पन्न भएको छ।