त्रिभुवन विमानस्थलबाट १९ किलो सुनसहित विदेशी नागरिक पक्राउ
पुस ८, काठमाडौँ । त्रिभुवन अन्तर्राष्ट्रिय विमानस्थलबाट १९ किलो अवैध सुनसहित सुडानी नागरिक पक्राउ परेका छन्। शुक्रबार विमानस्थल भन्सार कार्यालयले दुबईबाट आएका उनको लगेजबाट सुन बरामद गरेको हो।
त्रिभुवन विमानस्थल भन्सार कार्यालयका प्रवक्ता यमराज पाण्डेका अनुसार पक्राउ पर्ने सुडानी नागरिक मोहम्मद अहमद डफल्ला साराफेल्डिन रहेका छन्।
२७ वर्षीय मोहम्मद फ्लाइ दुबईको फ्लाइटबाट आएका थिए। उनी भन्सार कार्यालयको नियन्त्रणमा छन्। पाण्डेले सुन तस्करीको विषयमा अनुसन्धान भइरहेको बताए।
